ရခိုင့်ယဉ်ကျေးမှု အမွေ အနှစ်များကို စစ်အုပ်စုမှ ဖျက်ဆီးနေခြင်းပေါ် သဘောထား ထုတ်ပြန် ကြေညာချက်။

ကြေညာချက် – အမှတ် – ၄/၂၀၁၀
 

နေ့စွဲ။ ။ ၂၀၁၀ ခုနှစ်၊ နိုဝင်ဘာလ (၂၁) ရက်

နအဖ စစ်အုပ်စုသည် (၁၅၇) မိုင် ရှည်လျားသော စစ်တွေ – အမ်း – မင်းဘူး ရထားလမ်းကို (၁၀) နှစ်အတွင်း ဖောက်လုပ်လျက်ရှိရာ ယခု အချိန်တွင် ရခိုင်ရှေးဟောင်းမြို့တော်ဖြစ်သည့် မြောက်ဦးမြို့ ရထား လမ်းပိုင်းကို စတင် ဖောက်လုပ်လျက်ရှိနေသည်။ ထိုသို့ ဖောက်လုပ်ရာတွင် ရှေးဟောင်း စေတီ၊ ပုထိုး၊ တံတိုင်း၊ ခံတပ်၊ ပိဋကတ်တိုက်၊ ကျုံးနှင့် မြို့ရိုး စသည့် ရှေးဟောင်း ယဉ်ကျေးမှု အမွေအနှစ်များအား ရထားလမ်းကို အကြောင်းပြုပြီး ဖျက်ဆီးနေသည်ကို တွေ့ရှိနေရသည်။ ထိုကဲ့သို့ လူမျိုးတမျိုး၏ အထွတ် အမြတ်ထားရာ သာသနိက အဆောက်အအုံများနှင့် ယဉ်ကျေးမှု အဆောက်အအုံများကို ဖျက်ဆီးခြင်းသည် လူမျိုးတမျိုးအား စော်ကားရုံသာမက ဘာသာ သာသနာကိုလည်း စော်ကားခြင်း မည်ပေသည်။ ရထားလမ်းအား ပြည်သူလူထု အကျိုးအတွက် စေတနာမှန်ဖြင့် ဆောင်ရွက်လိုလျှင် ရထားလမ်း ဖောက်လုပ်ရန် အခြား ရွေးချယ်စရာ လမ်းကြောင်း အမြောက်အမြားရှိပါလျက် ရှေ့ဟောင်း စေတီ၊ ပုထိုး၊ ယဉ်ကျေးမှုအဆောက်အအုံများကို ဖျက်ဆီးပြီးမှ ဆောင်ရွက်ခြင်းသည် မျိုးဖျက်၊ မျိုးဖြုတ် လုပ်ရပ် ဖြစ်ပေသည်။ ရှေးဟောင်း အဆောက် အအုံများသည် ဖျက်ဆီးပြီးမှ ပြန်လည်တည်ဆောာက် မွမ်းမံ ပြုလုပ်၍ ရကောင်းသော အရာများ မဟုတ်ချေ။ လူမျိုးတမျိုး၏ ဘာသာ သာသနာသမိုင်း၊ အမျိုးသားဂုဏ်သိက္ခာ၊ ဇာတိသွေး၊ ဇာတိမာန်တို့သည် ထိုအဆောက်အအုံများနှင့်အတူ ကိန်းအောင်း တည်ရှိနေပြီး လူမျိုးတမျိုး၏ သမိုင်း မှတ်တိုင်များအဖြစ် မှတ်ကျောက် တင်နိုင်သော စံတန်ဖိုးများလည်း ဖြစ်သည်။

ယနေ့ထက်တိုင် ရခိုင်လူမျိုး တည်ရှိနေခြင်းသည် မိမိတို့လူမျိုး၏ ယဉ်ကျေးမှုသမိုင်းအစဉ်အလာ၊ မျိုးရိုးဂုဏ်သိက္ခာ ခိုင်ခံ့တည်မြဲ နေသောကြောင့် ဖြစ်သည်။ လူ့ယဉ်ကျေးမှု၊ လူ့သမိုင်းကို တန်ဖိုးထားသော လူသားတိုင်းသည် ကမ္ဘာသူ၊ ကမ္ဘာသားတိုင်း၏ ယဉ်ကျေးမှု အမွေအနစ်ကို ထိမ်းသိမ်းစောင့်ရှောက်ရန် တာဝန်ရှိပေသည်။ သို့သော် စစ်အုပ်စုသည် ရခိုင်ယဉ်ကျေးမှု အမွေအနစ်များကို ထိန်းသိမ်း စောင့်ရှောက်ခြင်း မပြုရုံသာမက ရည်ရွယ်ချက်ရှိရှိ ဖျက်ဆီးနေခြင်းသည် လူ့ယဉ်ကျေးမှုတရပ်လုံးအား ဖျက်ဆီးခြင်း မည်ပေမည်။ ထိုကဲ့သို့ လုပ်ရပ်များ ဆက်လက် အကောင်အထည်ဖော် ဆောင်ရွက်မည်ဆိုပါက ရခိုင့်သမိုင်းနှင့် လူ့ယဉ်ကျေးမှုသမိုင်းတွင် မည်သည့်အခါမှ ဖျောက်ဖျက်၍ မရနိုင်သော သမိုင်း အမည်းစက်အဖြစ် ကျန်ရှိနေပေလိမ့်မည်။ ထိုလုပ်ရပ်များအား ချက်ချင်း ရပ်တန့်ရန် ရခိုင် ပြည်သူလူထုနှင့် သံဃာတော် အရှင် သူမြတ်များ တောင်းဆို နေသည့်ကြားမှ ဆက်လက် ဖျက်ဆီးမည်ဆိုပါက ကျူးလွန်သူများ၏တာဝန်သာ ဖြစ်ကြောင်း သိစေအပ်သည်။

ရခိုင်ပြည်သူ တရပ်လုံး -

• အမျိုး၊ ဘာသာ၊ သာသနာနှင့် ယဉ်ကျေးမှု အမွေအနှစ်များကို စောင့်ရှောက် ကာကွယ်ကြ။
• မျိုးဖျက်လုပ်ရပ်များအား အမျိုးသားတာဝန်တရပ်အနေဖြင့် ဆန့်ကျင် ကန့်ကွက်ကြ။

ဗဟိုအလုပ်အမှုဆောင်အဖွဲ့
ရခိုင်သံဃာ့သမဂ္ဂ
ဆက်သွယ်ရန် – + ၆၆ (၈) ၇၅၅၇ ၇၀၆၉